Uribe Kostako udalek (Barrika, Berango, Gorliz, Lemoiz, Plentzia, Sopela eta Urduliz) Uribe Kostako Behargintzaren bitartez, abian jarriko dute 2020ko Enplegua sustatzeko toki ekintzak izeneko Lanbide-Euskal Enplegu Zerbitzuaren programa.

Uribe Kostako eskualde osoan 47 pertsona kontratatuko dira. Horietatik, 40 herri-lanerako peoiak izango dira eta 7 langile administrariak. Kontratu guztiek hiru hilabeteko iraupena izango dute eta lanaldi osokoak izango dira (kontratuen hasiera 2020ko abenduaren 31 baino lehen).

Ekintza hau eskualdean diren langabetuei zuzenduta dago, eta hautaketa Lanbide Euskal Enplegu zerbitzuaren zuzendariak 2020ko ekainaren 24ean emandako Ebazpenean ezartzen diren irizpideen arabera eta eskaintza berarenaren arabera egingo da parekatze bidez. Hautagaiek, Lanbide-Euskal Enplegu Zerbitzuan inskribatuta egon beharko dute, alta egoeran eta langabezian. Era berean, ezin izango dira aurreko bi deialdietan kontratatutakoak izan (irizpide hori ez da kontuan hartuko baldintza hori betetzen duen hautagairik egon ezean eta egoera hori Lanbidek egiaztatuko du).

Horretarako Lanbiden eskatutako lanpostuen artean derrigorrez agertu beharko da: Herri lanetako peoia edo Enplegatu administraría oro har, norberak aukeratzen duen lanbidearen arabera.

Lanbideko Curriculumean aldaketarik egin behar izanez gero, AURRETIKO HITZORDUAREKIN BAKARRIK, Uribe Kostako Behargintzan, Berangon Karabiazpi 1 kalean, eta norberari dagokion Lanbideko bulegoan egin ahal izango da (Gorliz, Lemoiz eta Plentziako herritarrek Mungiako bulegora joan beharko dute eta Barrika, Berango, Sopela eta Urdulizkoek ostera, Getxoko bulegora) edo “NIRE LANBIDENET”atalean erabiltzailearen gakoa erabiliz.

DEIALDI BERAREN BEHARRIZANAK DIRELA ETA, PREMIAZKOAK UNE HAUETAN EPEEI DAGOKIENEZ, LANBIDEREN ZERBITZU OROKORREK BEREHALA HASIERA EMANGO DIOTE HAUTAKETAREN PROZEZUARI.

15/9/2020

BERRITU-MAKINERIA Download

14/9/2020

Digital Indartuz: MikroETEen digitalizazio-prozesuari laguntzeko programa berri bat abiarazten da

MikroETEei negozioaren zati bat edo negozio osoa digitalizatzeko urratsak ematen laguntze aldera, Digital Indartuz programa jarri da abian.

Digital Indartuz Programa online ibilbide bat da, eta enpresen gaikuntza errazten du digitalizaziora bideratutako ibilbide-orri propioa diseinatzeko.

Bizkaiko iparraldeko zazpi erakundek (Jataondo, Mungialdeko Behargintza, Erandioko Behargintza, Leioako Behargintza, Uribe Kostako Behargintza, Getxolan eta Egaz Txorierri) elkarlanean jardunik diseinatu eta gauzatzen duten programa da eta Bizkaiko Foru Aldundiak finantzatua dago.

Ibilbideak 7 Ikaskuntza-saio zehatz planteatzen ditu, online web-formatuan landuak. Ikaskuntzak doakoak dira eta 2 ordu irauten dute, 15:00etatik 17:00etara. Ikaskuntza-saiook hamabostean behin egiten dira, 2020ko irailetik abendura bitartean.

2020/09/17

1. modulua / Nire negozioa moldatzen, egungo egoerari egokitzeko. Digitalizazioa da gakoa?

Hizlaria:

Mireia Muñiz Mairal Berrikuntzan eta Sormenean aditua da enpresaren eta administrazioaren arloetan. Metodologia propioak landu ditu, lanpostuan lehiakortasuna eta sormena hobetzeko, prozesuak joko bidez garatzeko, enpresan berrikuntza bultzatzeko eta enpresen barneko taldeetan parte hartzeko.
www.miinovacion.com

Edukia:

1. Quizz: Egokitu bai, baina zeri?

2. Etorkizunerako balizko agertokiak eta digitalizazioaren eginkizuna

3. «To take away» soluzio digitalak eta epe luzerako apustuak

4. Jokoa: Kasandraren mitoa

Parte hartzeko, izena eman behar duzu HEMEN. Izena emateko azken eguna 2020ko irailaren 16a da.

2020/10/01

2. modulua / Digitalizazioa, eguneroko lanari datxezkion zailtasunak: sinadura digitala, DBLO, segurtasuna…